सकाळच्या उबदार सोनेरी किरणात,
प्रभातफेरी काढावी असा विचार करून,
घराबाहेर पडलो.
खिशात भ्रमणध्वनी ठेवला -
आणि इतरांनी आपली चांगली गाणी ऐकू नयेत,
ह्या शुद्ध स्वार्थी विचारांती,
कानांत आवश्यक ती साधन सामग्री अडकवली !
" एक बार आजा आजा आजा आsssssजा ....
झलक दिखलाजा ".......
मी आणि हिमेश दोघेही एका भेसूर सुरात गात चाललो होतो.
मधेच एक कुत्रे कुठून तरी केकाटत आले...
आणि नेमके माझ्याच पायात कडमडले...
आणि मी रस्त्यातल्या दगडाला ठेचकाळून,
समोरच्या खड्डयात पडून,
चारदोन बरगड्या मोडून,
दवाखान्यातल्या खाटेवर पडून..
" सुहाना सफर और ये मौसम हसीन ...." गाणे ऐकत आहे !
सकाळची शुद्ध हवा खाण्यासाठी बाहेर पडलो काय, अन् -
. . .
कोणत्याही टिप्पण्या नाहीत:
टिप्पणी पोस्ट करा