मुखी नाम ते एकच येते -

मुखी नाम ते एकच येते -

दत्त दिगंबर.. दत्त दिगंबर ..

डोळ्यांपुढती असतो दत्त

डोळे मिटले तरीही दत्त

ध्यानिमनी ते रूप विहरते -

दत्त दिगंबर.. दत्त दिगंबर ..

औदुंबरछायेखाली ते

मनही डोलते तनही डोलते

अनुभूती का अद्भुत येते  -

दत्त दिगंबर.. दत्त दिगंबर ..

नाही थारा कुविचारांना

मनी  ठेवितो सुविचारांना

रूप पाठीशी उभे ठाकते  -

दत्त दिगंबर.. दत्त दिगंबर ..

दत्त नाही जर जीवनात तो

अर्थ काय संसारी उरतो 

नाम समाधानातच स्फुरते - 
दत्त दिगंबर.. दत्त दिगंबर ..

.