सर आले दुरुनी


                                                   (चाल: स्वर आले दुरुनी )

                                                 सर आले दुरुनी
                                                 गेल्या सगळ्या त्या मैतरणी ||

                                                 खुर्चीत उसासे साऱ्यांचे
                                                 होस्टेलमधील त्या पोरांचे
                                                 कुजबुजही नव्हती पोरींची     
                                                 धुसफुसही नव्हती कोणाची
                                                 ऐशा रमलेल्या त्या स्थानी ||

                                                 वर्गात मनोरथ किति रचले
                                                 गालावर हासू पाघळले
                                                 काही हृदयातचि ते घुसले
                                                 बाणांतुनी स्पंदन जाणवले
                                                 झेली सुंदर मैत्रीण कुणी ||

                                                 प्रतिसाद सरांचा तो न कळे
                                                 अवसान परी का पूर्ण गळे
                                                 संधीच न मिळता पोरांचे
                                                 घबराट पुन्हा सर ते दिसले
                                                 चहाडी चुगली का केली कुणी ||
                   
  (पूर्व प्रसिद्धी- शब्दगाssरवा २०११)

कोणत्याही टिप्पण्‍या नाहीत:

टिप्पणी पोस्ट करा