लग्नाआधी त्याला -
रोजच्याच रस्त्यावर दिसणारा,
तो रोजचाच गुलाब..!
लग्नानंतरच्या वर्षात -
हमखास ऐकू येणारा तिचा उद्गार ..
"अय्या, कित्ती सुंदर आहे नै का हो तो गुलाब ? "
तिने तसे म्हटले की ,
तो पट्कन उद्गारत असे -
" हो ना ! थांब हं , आणतोच तुझ्यासाठी तो लगेच ! "
वर्षानंतर कधीतरी -
तोच रस्ता
तोच तो
तीच ती
मूड आणि हिशेब मात्र वेगळे ...
ती हटकून म्हणतेच-
" अय्या, किती सुंदर फूल आहे नै का ते गुलाबाचं ? "
तो पुढे चालत म्हणतो -
" त्याला काटे फार आहेत ग ! "
.
कोणत्याही टिप्पण्‍या नाहीत:
टिप्पणी पोस्ट करा