(चाल- अखेरचे येतिल माझ्या हेच शब्द ओठी)
अखेर ते येतिल माझ्या हेच भक्त पाठी
लाख मला देतिलहि शिव्या, करती पण भक्ती ....
कथा सुरू करण्याआधी मंडपी बघोनी
भक्तीला निव्वळ पुरते डोळ्यातिल पाणी
मलमपट्टी होते ज्यांच्या दु:ख नित्य ओठी ....
भक्त धुंद येथुनी जेव्हा घरी शांत झोपे
जीवन वा मरण पुढे ते मला म्हणे सोपे
पाप पुण्य आख्यानाला खुषीमधे येती ....
संग येथ ज्यांचा माझा जवळपास वाढे
भरे खूप पेटी धन ते तरी हाव वाढे
अलंकार शोधित राहे जीव गळा-पाठी ....
स्वार्थ मीच पाहे, त्यांच्या कधी नसे कानी
गूढ मंत्र जे सांगितले पाठ ते करूनी
जाळ्यातुन माझ्या नाही, त्यास आज मुक्ती ....
.
कोणत्याही टिप्पण्या नाहीत:
टिप्पणी पोस्ट करा