न धावते आयुष्याची गाडी
देवाच्या इशाऱ्याशिवाय -
न थांबते आयुष्याची गाडी
यमाच्या इशाऱ्याशिवाय ..
.
नदीच्या पुरात कदाचित
ताठ उभा राहू शकेन -
तुझ्या आसवांच्या धारेत
क्षणात कोलमडून पडेन..
.
निमित्त गळाभेटीचे अरे,
कशाला तू केलेस मित्रा-
आधीच केली असती पुढे
वार करायला पाठ मित्रा ..
.
नाती ही कोळ्याची जाळी
गुरफटली तर छान गुंतती -
जीवनातुनी तुटली जर ती
दूर कुठे फेकली जाती . .
.
नकोच घाई करूस सखे,
केशसंभार दूर सारावयाची -
मलाही नाही मुळीच घाई
सूर्योदय तो पहावयाची ..
.
कोणत्याही टिप्पण्या नाहीत:
टिप्पणी पोस्ट करा