तो बाप


इच्छा असते, वेळच नसतो 
मनात खूप हुरूप असतो

कौतुक करावे वाटत असते 
पाठीवर थाप द्यावी वाटते

लाडक्यांचे उत्साहात चाळे
गैरहजेरीतही उत्सुक डोळे

कर्तव्य असते घरादारासाठी 
नीतीनियम असतात पाठी

टुकार काम करायचे नसते 
चुकार होऊन चालत नसते

तन असते दंग ऑफिसात 
मन असते गुंग संसारात

तारेवरची अजब कसरत 
कुणा मुखी येऊ नये हरकत

तिकडे फार जपायचे असते 
इकडे तर सांभाळायचे असते

बाप रे बाप, किती हा ताप 
धावपळीत आवरत संताप

तरीही हसत खेळत तो बाप 

तोलत असतो कर्तव्याचे माप ..
.

कोणत्याही टिप्पण्‍या नाहीत:

टिप्पणी पोस्ट करा