राघूस आज मैना न्यारीच वाटली ही - [गझल]

राघूस आज मैना न्यारीच वाटली ही
ठरवून भेट नव्हती प्रेमात आपली ही

टोकास आज ह्या मी टोकास त्या ग तूही
रस्त्यातली दुरीही मिटणार चांगली ही

हातात हात आला पहिलीच भेट होता
किति घालमेल तुझिया डोळ्यात चालली ही

लाटांत खेळताना त्या सागराकिनारी
थरथर शिवाशिवीची आकंठ रंगली ही

मानून कृष्ण मजला राधेत कल्पिले तुज
बघ कल्पनेत काया हर्षात नाहली ही ..
.

कोणत्याही टिप्पण्‍या नाहीत:

टिप्पणी पोस्ट करा