आदर दाखवतो शेजारी - [गझल]

आदर दाखवतो शेजारी उद्धट जरि दारात हल्ली
शिजत असावा कट कावाही का त्याच्याच मनात हल्ली
.
आहे खूपच सोकावत हे दारापुढचे श्वान आता 

पळतच सुटते बिस्किट दिसता दुरुनीही हातात हल्ली
.
गेली होउन ती दुसऱ्याची जेव्हा परक्या दूरगावी

नजर नि पाउल दारापुढती दोन्ही अडखळतात हल्ली
.
होता कायम माझ्यासाठी उघडा दरवाजा मनाचा
खिडक्यांचेही दरवाजे का बंद तिचे दिसतात हल्ली
.
हातामध्ये हात असू दे ना ती शब्दांची ग भाषा  

होते जाणिव संवादाची छान मला स्पर्शात हल्ली ..
.

कोणत्याही टिप्पण्‍या नाहीत:

टिप्पणी पोस्ट करा