ऐकता आश्वासनेही .. [गझल]

ऐकता आश्वासनेही हाय जनता मूर्ख बनते
पूर्ण ना होती कधी ती खंत कोणालाच नसते
.
शेकडो कामे बरोबर आजवरची जाहलेली
माणसाचे मन तरीही का चुका शोधीत बसते
.
परवडे ती एकवेळा साप सरड्यांशीहि मैत्री
दंश करणे रंग बदलत मानवाची वृत्ति डसते
.
माळते केसांवरी गुपचुप सुगंधी मोगरा ती
जाहिरातीचीच संधी उघड वाऱ्यालाहि मिळते
.
फाटकेही घालण्याला ना मिळे काही जिवांना
रोज फ्याशन तोकड्या अन फाटक्यांची का मिरवते ..
.

कोणत्याही टिप्पण्‍या नाहीत:

टिप्पणी पोस्ट करा