स्वामी समर्था -

मूर्ती डोळ्यापुढे दिसू दे
तुझीच मजला स्वामी समर्था..

समाधान सुख शांतीचे दे 
वैभव मजला स्वामी समर्था..

सुविचारांचे स्मरण असू दे
मनात मजला स्वामी समर्था..

निंदा द्वेष अपकीर्ती नसू दे
जीवनी मजला स्वामी समर्था..

बुद्धी सहकार्यात रमू दे
हृदयी मजला स्वामी समर्था..

सद्गुणसंगत नित्य मिळू दे 
सत्पथी मजला स्वामी समर्था..

विसर जपाचा कधी न पडू दे
अंतरी मजला स्वामी समर्था..
.