चढली आहे रविराजाच्या लाली गाली - - [गझल]

चढली आहे रविराजाच्या लाली गाली 
संध्येच्या तो हसत निघाला हळुच महाली ..

संध्या सजली सोनेरी ती तोरण बांधुन
स्वागत करण्या रविराजाचे आतुर झाली ..

निळसर गगनी आनंदाने फिरती खगही 
वाहत वारा सुटला शीतल पुसत खुशाली ..

शुभ्र नि काळ्या वर मेघांचे ते भरकटणे 
शांत धरा ही जणु विश्वाला ग्लानी आली ..

चंद्र उगवला रविराजाच्या बघुनी अस्ता 
एक चांदणी चंद्रासोबत फिरत निघाली .. !
.

कोणत्याही टिप्पण्‍या नाहीत:

टिप्पणी पोस्ट करा