खरा आनंद

त्याची नवीन नोकरी 
नवीन वर्षाची सुरुवात 
आणि पगाराचा दिवस !

हातातले खोके बायकोपुढे धरीत तो म्हणाला, 
"प्रिये,
हा बघ, 
तुझे कान, नाक, गळा चमचमवणारा - 
बेन्टेक्सचा दागिन्यांचा 
किती मस्त सेट आणलाय खास तुझ्यासाठी ! "

त्यावर कौतुकाने झडप घालत, 
जराशी हिरमुसलेली बायको विचारती झाली-
"पण, दुचाकी आणणार होता ना तुम्ही आपल्याला ? "

बायकोपेक्षा जमेल तेवढा जास्त 
केविलवाणा चेहरा करत तो उत्तरला, 
" हो ना! काय करणार?
सगळी बाजारपेठ पालथी घातली, 
पण, बेन्टेक्सची दुचाकी कुठेच दिसली नाही ग, 
म्हणून तर राणीसरकारांसाठी हा खास सेट- 
भेट ...! "

प्रसन्न मुद्रेने 
बायको आरशासमोर गेली !

पतीराजाचे मन जाणून- 
फूल नाही फुलाच्या पाकळीतही आनंद मानणाऱ्या,
अशा बायकोच्या सहवासात 
काही वेगळाच आनंद असतो, 
नाही का ?
.

कोणत्याही टिप्पण्‍या नाहीत:

टिप्पणी पोस्ट करा