गादीवर तो भर दिवसाही जरी लोळतो .. [गझल]

वृत्त- मात्रावृत्त, अनलज्वाला 
मात्रा- ८+८+८ ,   अलामत- अ 
---------------------------------------------
गादीवर तो भर दिवसाही जरी लोळतो 
पहाटस्वप्ने त्यावेळी तो गोड पाहतो..
.
कर्तव्याचे पालन करतो ठरे "मूर्ख" पण  
बदलीसाठी सर्वाआधी पात्रच दिसतो..
.
तिळगुळ घेतो गोड बोलतो कामापुरता 
काम संपता ना चुकता तो शिव्या घालतो..
.
पत्नी समोर दिसता का तो कापे थरथर 
ती नसता जग माझ्या मुठीत ठेविन म्हणतो..
.
जाते भांडत दूर कुठे ती सोडुन मजला 
का उचक्यांची बेजारी मी सोसत हसतो..
.

कोणत्याही टिप्पण्‍या नाहीत:

टिप्पणी पोस्ट करा