देव वाटला- असुर निपजला !!


                           धर्म लाज संस्कार शरम
                           सोडुन बनला कसा नराधम -

                                           फासुन व्यवसायास काळिमा 
                                           पैसा-पैसा करसी अधमा !

                           अर्भक दिसले- शस्त्र उचलले  
                           माणुसकीचे नांव न उरले !

                                           जिरला टाहो गर्भातच तो
                                           माउलीस ना पान्हा फुटतो -

                           स्त्रीभ्रूणहत्या नित्य करावी
                           कशी कळावी मातृथोरवी !

                                          धन्य होतसे का तव माता -
                                          कृष्णकृत्य तव तिजला कळता ?

                           म्हणेल माता नक्की तुजला,
                           देव वाटला- असुर निपजला !!

कोणत्याही टिप्पण्‍या नाहीत:

टिप्पणी पोस्ट करा