निरनिराळ्या स्पर्धा भरवायच्या आहेत !
खास पाकिस्तानचे खेळाडू , गायक , नर्तक , वादक , साहित्यिक ...
थोडक्यात निदान ६४ कलात पारंगत असणाऱ्या,
तेथील कलाकारासाठी स्पर्धा भरवायच्या आहेत !
इतर कलातही ते वाकबगार आहेत, हे जगजाहीर आहेच.
स्थळ : अर्थात भारत !
अटी , नियम : काहीही नाहीत ,
कारण... तसलं काही ठेवून उपयोग नसतो , हा आजवरचा अनुभव .
त्यांच्यासाठी १०१ गुन्हे माफ !
सर्व खेळात फिक्सिंग करणाऱ्यांना प्राधान्य !
लांडीलबाडी करता येणाऱ्यांना प्रथम प्रवेश !
विश्वासघात करता येणाऱ्यांना फुकट !
त्वरा करण्याची आवश्यकता नाही .
कारण आकाश, समुद्र , भुयारमार्गे ,
कोठूनही, केव्हाही ते येऊ शकणारच आहेत !
त्या सहभागी कलाकारांनाच खास सुरक्षा व्यवस्था पुरवली जाईल .
त्यांना सर्वप्रकारची शस्त्रे आणण्यची खास सवलत आहे.
कारण बंदी घालूनही ते छुप्या मार्गाने येऊ शकतात ,
हा अनुभव आपल्याला आहेच !
शिवाय ते ऐकणार नाहीत , याची खात्री आहे !
सर्व भारतीय प्रेक्षक आनंदाने स्पर्धा पहायला,
उत्सुक असतील याची जाणीव आहे !
सर्व भारतीय प्रेक्षकांना सुरक्षेसाठी -
भोकपडके शिरस्त्राण , जुनी चिलखते पुरवण्यात येतील ,
याची आवर्जून नोंद घ्यावी.
सर्व गर्भश्रीमंताना, दोन नंबरच्या श्रीमंताना इ. ना
संयोजक, प्रायोजक इ. होण्यासाठी नम्र आवाहन !!!
खास स्पर्धकांसाठी:-
अत्याचार, गोंधळ, घातपात वगैरेंची व्यवस्था-
त्यांची त्यांनी करण्यास पूर्ण मुभा आहे !
स्पर्धेची तारीख :- ३० फेब्रुवारी २०१३
. . .
कोणत्याही टिप्पण्या नाहीत:
टिप्पणी पोस्ट करा