निघालो माघारी पांडुरंगा आता -


निघालो माघारी पांडुरंगा आता 
कळसाचे दर्शन टेकविला माथा

सार्थक तेच माझ्या पायपिटीचे
समजून घेईन नशिबात वारीचे

कष्टदारिद्र्याचा देवा घेतला मी वसा
तहानभूक विसरून चालवायचा असा

नाही मंत्री मी रे नाही अधिकारी
पायी चालणे दिंडीत धरूनिया वारी

पूर्वजन्माचे असेल पांडुरंगा पाप
तुझ्या दर्शनासाठी भोगणे हा ताप

दृष्टी आहे जोवरी ध्यास मनी तोवरी
पुन्हापुन्हा विठ्ठला घडवावी ही वारी . . 

.

कोणत्याही टिप्पण्‍या नाहीत:

टिप्पणी पोस्ट करा