जीवन ह्याला ऐसे नाव... (गझल)

खाटेवर देईल हरी मज जीवन अर्धे फसलो मी 
तळहातीच्या रेषा झाकत अर्धे जीवन हसलो मी  
 
गंडेदोरे नवस तोडगे धडपड करती काही ते    
असेल नशिबी घडेल ते ते म्हणून निवांत बसलो मी        

कष्टातूनच ईश्वर मिळतो कळूनही त्याला मुकलो               
प्रयत्न नाही केले काही आळसात समरसलो मी            

कुण्या मुखातुन निंदा आली माझ्या कानावर ऐकू               
उभारून या जिभेचा फणा तिथल्या तिथेच डसलो मी        
                
तू तू मी मी होत राहता पळून हळु कोणी जाती   
असती वेठबिगारी काही कधीच ना खेकसलो मी ..  
.

कोणत्याही टिप्पण्‍या नाहीत:

टिप्पणी पोस्ट करा