टाळ चिपळ्यांचा नाद
मुखातून तुजला साद
"विठ्ठल" "विठ्ठल" असा
घुमतो कानी प्रतिसाद ..
आलो आलो बा विठ्ठला
धावत तुझ्या भेटीला
सुखदु;ख सारे माझे
टांगुनिया मी वेशीला ..
वेडी आशा होती मनी
माथा टेकावा तव चरणी
मूर्ती तुझी डोळे भरुनी
हृदयी साठवावी बघुनी ..
झाले अभंग गाऊन
झाले करून कीर्तन
झाली आस माझी पूर्ण
डोळे भरून दर्शन ..
ओढ विठ्ठल भेटीची
वाट धरली पंढरीची
"विठ्ठल" गाता स्मरता
भेट घडली माऊलीची ..
.
कोणत्याही टिप्पण्या नाहीत:
टिप्पणी पोस्ट करा