""" - गुणवंत विद्यार्थ्यास - """

गुणवंत तू, यशवंतही तू 
गाजावाजा खूप जाहला ..

जिद्द, चिकाटी बाळगली 
सुवर्णदिन तो आज उगवला ..

आई, बाप, गुरू सर्वांचा 
अभिमान छान सार्थकी लागला ..

अपार मेहनत तुझीच ती 
पाठी आशीष "त्या"चा लाभला ..

उतू नको तू, मातू नको 
अभ्यासाचा लळा लागला ..

वाट यशाची भलीचांगली  
सन्मार्गी अवलंब जाहला ..

ठेव "आदर्श" सत्पुरुषांचा 
नावारुपाला येई चांगला ..

"जीवनपथ तुज सुकर राहो -"  
विश्वास मनी आम्ही बाळगला .. !
.

कोणत्याही टिप्पण्‍या नाहीत:

टिप्पणी पोस्ट करा