चतकोर भाकरी ही हातात आज आली.. [गझल]

चतकोर भाकरी ही हातात आज आली
बघुनी सुखात जग हे मज झोप गाढ आली

रागात ती जरीही थोडी हसून गेली
बेसूर गायना जणु हळुवार दाद आली

माळून खास आली का मोगरा सखी तो
साधावयास कावा गनिमी मनात आली

चाहूल लागली त्या चंद्रास तारकेची
निद्रेत तत्क्षणी का स्वप्नास जाग आली

आसूसलो किती मी ऐकावयास कौतुक  
श्रद्धांजलीच कानी मज शेवटास आली ..
.   

कोणत्याही टिप्पण्‍या नाहीत:

टिप्पणी पोस्ट करा