सन्मार्गावर वळणार कधी --[गझल]


मात्रावृत्त-
मात्रा- ८+८ 
---------------------------------------
सन्मार्गावर वळणार कधी
मोह वासना सरणार कधी ..


करण्या निंदा आघाडीवर
कौतुक संधी मिळणार कधी ..


उपदेशाचे वाहती झरे
घडे पालथे भरणार कधी ..


सदा रंगते पिचकाऱ्यांनी
शहर स्वच्छ दिसणार कधी ..


दिसतो जो तो दु:खी येथे
दुसऱ्यासाठी हसणार कधी ..


बसलो भाळत मुखवट्यास मी
चेहरा खरा बघणार कधी ..


भिजली शेती जर घामाने
मोल तयाचे कळणार कधी ..


नकोस साधू जवळिक इतकी
भांडण आपण करणार कधी ..
.

कोणत्याही टिप्पण्‍या नाहीत:

टिप्पणी पोस्ट करा