पारध

 करण्यासाठी पारध माझी
बनलीस शिकारी समोर तू

शब्दांच्या शस्त्राने सखये
राहिलीस वार करतच तू

अथक केलेस प्रयत्न किती
मजला ठार करण्यास तू

ओरखडा ना मनास माझ्या
उमटवू शकली कधीच तू

निष्फळ ठरले प्रयत्न तुझे
हरून शेवटी दमलीस तू

टाकला असतास एक कटाक्ष
प्रेमळ जर माझ्यावर तू

पुरते घायाळ केले असतेस
कधीच नजरबाणाने तू ..
.

["साहित्य-लोभस"- दिवाळी विशेषांक - २०१५]

कोणत्याही टिप्पण्‍या नाहीत:

टिप्पणी पोस्ट करा