स्वप्नास झोपतो मी ठेवूनिया उशाशी - [गझल]


स्वप्नास झोपतो मी ठेवूनिया उशाशी
तू भेटशील आशा मजला जरा जराशी..

दु:खात काळजी ना मज वाटते कशाची 
स्वप्नात रोज सुख मी कवटाळतो उराशी..

सगळा सुखात आहे हा देश आज माझा 
शहरातले तुपाशी शेतातले उपाशी..

का पीक घोषणांचे उगवे सभेत त्यांच्या 
आशाळभूत आम्ही बनतोच मग अधाशी..

उपदेश छान करती ज्ञानी सुजाण ठेवुन 
कर्तव्य टाळण्याचे अवधानही मनाशी.. 
.

कोणत्याही टिप्पण्‍या नाहीत:

टिप्पणी पोस्ट करा