सेल्फीग्रस्त

ते सर्वजण 

सहकुटुंब सहपरिवार 

देवळात जाऊन आले


देवळात 

गर्दी असल्याने 

बाहेरच्या बाहेर 

देवळाच्या कळसाच्या दर्शनावर 

समाधान मानून परत फिरले.


पण -


इतक्या दूरवर देवळात जाऊन 

देवाचे दर्शन झाले नाहीच 

या दु:खापेक्षा --


देवळाच्या पटांगणात 

ग्रुपसेल्फी घेतल्याचे तेज 

सर्वांच्याच चेहऱ्यावर 

अगदी ओसंडून वाहताना दिसत होते !
.

कोणत्याही टिप्पण्‍या नाहीत:

टिप्पणी पोस्ट करा