कट्टी करून आपण जवळीक वाढवूया --[गझल]


कट्टी करून आपण जवळीक वाढवूया
उकरून भांडणे चल आनंदही लुटूया..

बघ चंद्र मीच झालो हो चांदणी सखे तू
गगनात आज स्वप्नी धुंदीत या फिरूया ..

हातात हात घे तू स्पर्शात जाण मजला
संवाद आज दोघे मौनात ये करूया ..

सांभाळता तुला मी सांभाळ तू मलाही
केली कुणी न पर्वा तर तोल सावरूया ..

नजरानजर पुरे ही पाठीस पाठ लावू
विरहातल्या क्षणांची जगुनी मजा बघूया ..
.

कोणत्याही टिप्पण्‍या नाहीत:

टिप्पणी पोस्ट करा