दे धक्का

आजपर्यंत हॉटेलात
ठेवलं नाही पाऊल मी ---

सुपारीचं खांड तोंडात
टाकलं नाही अजून मी ---

सिगरेटची कांडी ओठात
धरली नाही कधीच मी ---

दारूचा पेला हातात
फिरवला नाहीच मी ---

गुटख्याची पुडी खिशात
बाळगली नाही कधी मी ----

तंबाखूचा तोबरा भरून
मारली नाही पिचकारी मी ---

हिरव्या माडीची पायरी
चढलो नाही चुकूनही मी ----

परस्त्रीकडे ढुंकून कधी
टाकली नाही नजर मी ---- !!!

"अरे वा ! अरे वा  ! -
शाब्बास पठ्ठे भारीच तुम्ही ---
 

तुमच्या उभ्या आयुष्यात
केली बुवा कम्माल तुम्ही ---

आणखी काय जीवनभरात
केले नाही हो तुम्ही ...?"

आजवर - ----

आत्तापर्यंत -----

खरं कधीच बोललो नाही !

खरं कधीच बोललो नाही !!
.

कोणत्याही टिप्पण्‍या नाहीत:

टिप्पणी पोस्ट करा