आयुष्य फार मज तू देवा दिलेस छोटे --[गझल]


आयुष्य फार मज तू देवा दिलेस छोटे

नियती जुगार बघते खेळून त्यात खोटे..

समजून एक सगळे विश्वास ठेवला मी
नसतात पाच सम ती
कळण्या उशीर बोटे..

दिसतात साव सारे असतात चोर पण ते 

खातात येथ का हे निर्दोष साव सोटे..

शब्दात खेळ चाले पांडित्य आव सगळा

कळते कृतीत करता प्रत्यक्ष कार्य थोटे..

ज्ञानी जगात साऱ्या आम्हीच गर्व करती
का नर्मदेतले ते ठरतात अंति गोटे..
.

कोणत्याही टिप्पण्‍या नाहीत:

टिप्पणी पोस्ट करा