आठवणींच्या जखमा ताज्या स्मरतो आहे - -[गझल]

आठवणींच्या जखमा ताज्या स्मरतो आहे 
रोजच धावा मी भेटीचा करतो आहे..

रुसवेफुगवे पुजले कायम नशिबी माझ्या 
हसतमुखाची वेडी आशा धरतो आहे..

ना येते तव हाताची चव दुसऱ्या हाता 
दिसते जे मज अन्न समजुनी चरतो आहे..

हुरहुर अजुनी पूर्वीची ती कायम आहे 
थकल्या हृदयी श्वास किती मी भरतो आहे..

वाटे ममता शिल्लक थोडी माझ्यासाठी 
मी दिसता तव अश्रू नयनी झरतो आहे.. 
.

कोणत्याही टिप्पण्‍या नाहीत:

टिप्पणी पोस्ट करा