श्री गजानना ,वंदन करतो तुला
आशीर्वाद द्यावा शुभ तू मला ..
सगळ्यांना तू सुखी ठेवशी
संकट आमचे दूरही करशी
विध्नेश्वरा, गणाधीशा
शरण मी आलो तुला ..
सदैव आमच्या पाठी राहशी
मनाची भीती करशी नाहीशी
विनायका, एकदंता
ध्यास तुझा लागला ..
चरणी मस्तक तुझ्या ठेवतो
मनात तुलाच सदैव स्मरतो
मोरेश्वरा, चिंतामणी
सत्वर पाव रे मला ..
प्रदक्षिणा मी तुला घालतो
जप नामाचा तुझ्याच करतो
लंबोदरा, श्रीगणेशा
प्रसन्न हो तू मला ..
.
कोणत्याही टिप्पण्या नाहीत:
टिप्पणी पोस्ट करा