बेभान वारा

बेभान किती तो वारा 
कोठे न मिळे पण थारा -

मनात येई तिकडे वाही 
माजवी गोंधळ गोंधळ सारा -

भोंगळपणा नि बेशिस्त 
उध्वस्त कुणाचा हो निवारा -

भलेबुरे ना कळते त्याला 
वाहत सुटतो उगा भरारा -

इकडे तिकडे चोहोकडूनी 
आपटतो धडाधड दारा -

ना सुखदु:ख सोयरसुतक 
वाहतो निज ढंगात न्यारा -

झोपडी बंगला न भेदभाव 
चालतसे बेधुंद तो मारा -

घरट्याचेही राहते न भान 
घालतो थैमान का वादळवारा -

हैवान बनुनी होतो शांत 
उरतो फक्त अथांग पसारा !
.

कोणत्याही टिप्पण्‍या नाहीत:

टिप्पणी पोस्ट करा