नाही कुणीच श्रोता - - [गझल]

वृत्त- आनंदकंद 
लगावली- गागाल गालगागा गागाल गालगागा 
मात्रा- २४ 
-------------------------------------------------------
नाही कुणीच श्रोता जेव्हा बघून आलो 
भिंतीस दोन गाणी मी ऐकवून आलो ..
.
कट्टे भरात आले जाणून मी कवींचे 
का पाडण्यास कविता थोडे शिकून आलो ..
.
जी जिंकण्यात शर्यत नाही कमाल काही 
जाणूनिया मनी मी तीही हरून आलो ..
.
होते स्मशान गेलो गर्दीत सांत्वनाला 
होतो अनोळखी का थोडा रडून आलो ..
.
ठाऊक ना मलाही जो मामला जरासा   
जाणून मीच आहे दावा करून आलो ..
.