माणूस

काम निमूटपणे करत 
करत रहायचे एकाने 
त्यात खो घालायचे 
प्रयत्न करायचे दुसऱ्याने ..

एकाने दुसऱ्याला 
करण्याऐवजी मदत 
तिसऱ्याकडे कागाळी 
रहायची करत ...

छान विकास केला मी 
म्हणत रहायचे पहिल्याने 
मदतीऐवजी अडचणी त्यात 
नेहमी आणायच्या दुसऱ्याने ..

" एकमेकांच्या साहाय्याने 
व्यवस्थित जगूया,
आपण दोघे नीटनेटके 
इतरांना जगू देऊ या " ..

- असे कुणीच कुणाला 
कधीच नाही म्हणत 
कर्तव्यचुकार होऊन 
फक्त बसायचे कण्हत ..

कारण एकच आहे जगात 
जो तो मग्न आहे स्वार्थात  ..
आपल्या पोळीवर तूप ओढायचे 
मढ्याच्या टाळूवरचे लोणी ओरबडायचे ..

माझे ते माझे म्हणायचे 
तुझे तेही माझे कण्हायचे  
दुसऱ्याच्या सुखात आपले सुख 
मानणारा "माणूस" दिसला आहे ?..

आपले ताट झाकून ठेवायचे  
दुसऱ्याचे ताट हिसकावून घ्यायचे 
आपले ताट दुसऱ्याला देणारा    
पृथ्वीवर माणूस आहे का न्यारा !
.

कोणत्याही टिप्पण्‍या नाहीत:

टिप्पणी पोस्ट करा