दु:खी उन्हात सारे - [गझल]

वृत्त- आनंदकंद ,    मात्रा- २४ 
लगावली- गागाल गालगागा गागाल गालगागा 
अलामत- अ ,   गैरमुरद्दफ 
------------------------------------------------------
दु:खी उन्हात सारे आयुष्य पोळलेले 
का सावली सुखाची मजला न लाभलेले..
.
गंगेत नाहले ते पुण्यास साठवाया 
दानास हात मागे पैशास सोकलेले..
.
देणे नसे न घेणे नेत्यास काय त्याचे 
पाहूनिया कलेवर झाडास टांगलेले..
.
हसती म्हणून सारे हसणार ना मुळी मी 
सारे कधी न जगले आयुष्य त्रासलेले..
.
संस्कार होउनीही बनतोच कोडगा तो 
जणु भांग रोपटे ते तुळशीत उगवलेले..
.