कौतुकाचे दिवस होते पंगतीचे -- [गझल]

वृत्त- मंजुघोषा ,  अलामत-  ई 
लगावली-  गालगागा गालगागा गालगागा 
मात्रा-  २१  ,   गैरमुरद्दफ 
----------------------------------------------
कौतुकाचे दिवस होते पंगतीचे  
आज कौतुक वाटते पण भाकरीचे..
.
चेहरा तो ठेवतो हसरा जरासा 
दु:ख ना तो जाणवू देतो उरीचे..
.
चालली कुजबूज काही चांदण्यांची 
पाहिले सौंदर्य का माझ्या सखीचे..
.
खूप झाला अनुभवाने तो शहाणा 
ना फुकट तो शब्दही दवडे मुखीचे..
.
हासरे दिसतात काही चेहरेही 
छान आले का नशीबी दिन सुगीचे..
.