" कागदाची नाव डोले --" गझल

कागदाची नाव डोले बघ सखे आनंदुनी
डोलते जणु बालपणची अठवण हृदयातुनी
.
सवय इतकी बडबडीला ऐकण्याची जाहली
कान माझे त्रासती का मौन हे तव ऐकुनी
.
बे दुणे चारात कळले दु:ख दुप्पट नेहमी
जीवनाचे पाठ झाले फार पाढे घोकुनी
.
सजवण्याची का तरूला लहर आली पावसा
पान बघुनी छान मोती हळुच गेला ठेवुनी
.
ना कधी संवाद घडला मिटरमध्ये आपला
जीवनी काही न अडले खास गझलेवाचुनी..
.

["नेटभारी... ई दिवाळी अंक २०१७ "- पान ३६] 

कोणत्याही टिप्पण्‍या नाहीत:

टिप्पणी पोस्ट करा