दे रे दर्शन विठूराया आता..

(चाल- जारी ओ कारी बदरिया..)

दे रे दर्शन विठूराया आता
तुझ्या चरणी मी ठेवला माथा
संकटात माझ्या तूच त्राता.. दे रे दर्शन..

अंत माझा तू किती बघणार
विसरलो नामात घरदार
शिणली माझी काया,
तुला ना ये दया
दमलो धावा करता येता जाता.. दे रे दर्शन..

चंद्रभागेत करूनी स्नान
गातो तुझेच मी गुणगान
रूप डोळ्यासमोर,
मनी नामाचा जोर
विठूराया तुझा महिमा गाता.. दे रे दर्शन..

टाळ दोन्ही हाती वाजवूनी
विठ्ठल विठ्ठल जप मी करूनी
होतो कीर्तनी दंग,
चढतो भजनास रंग
पांडुरंगा तुझे नाव घेता.. दे रे दर्शन..
.