बायकोचा मूड


बायकोच्या मूडवरच 

सगळा दिवस नव्हे तर

अख्खं आयुष्य अवलंबून असते !


उगाच नाही हं ,

चाळीस पावसाळ्यानच्या अनुभवातून बोलतोय मी हे 

घरोघरी हेच चित्र असणार आहे 

मुकाट्याने कबूल कोण करणार आहे ?


सकाळी सकाळी 

चहाच्या चाहुलीने 

माझी एखादी चक्कर हळूच स्वैपाकघरात होते.

बायको स्वत:शीच...

"उंच माझा झोका",

"बहारो फूल बरसाओ",

"जीवनात ही घडी " असली गाणी गुणगुणत असली की समजावे ...

आज फक्कडसा चहा मिळणारच !


पण बायकोचे -

नि:शब्द शांतपणे

कामकाज चालू असले तर मात्र..


त्या असह्य आणि जीवघेण्या शांततेपाठोपाठ

कोणते संकट उद्भवणार,

ह्या विचारानेच मी अर्धमेला झालेला असतो!


मित्रानो,

ह्यालाच म्हणतात .. "संसार "

उगाच नाही म्हटले कुणीतरी -

"अरे संसार संसार ,

जसा चहा ग्यासवर ....."

नेमके त्याचवेळी सिलेंडर संपणार !!!
.

कोणत्याही टिप्पण्‍या नाहीत:

टिप्पणी पोस्ट करा