वास्तव -



लेकराचे डोळे त्या वाटेकडे लागलेले 
गाणे ऐकवायचे ओठातच राहिलेले 

आईबाबा उशिरा कामावरून आलेले 
हुश्श करून बिचारे थकून बसलेले 

ना लक्ष लेकराकडे उशिराने गेलेले 
ना कुणी एकही शब्द आधी बोललेले 

गाणे ऐकायचे कानीं तसेच राहिलेले 
लेकराचे प्रेम ध्यानी कधीच पेंगलेले 

वन आंब्याचे कुणी खुशाल तोडलेले 
पिसारे नाचऱ्या मोराचे कुणी छाटलेले 

वर्तमान फक्त बघते कष्ट उपसलेले 
मायाप्रेम करायचे ते राहून गेलेले 

योग्य वेळेचे क्षण कधी निघून गेलेले 
भविष्यात उरले हाती अश्रू गोठलेले !

.

कोणत्याही टिप्पण्‍या नाहीत:

टिप्पणी पोस्ट करा