आई.. तुझीच आठवण होते -

मेसमधल्या वरणामधुनी
येतो दाताखाली खडा
आई.. तुझीच आठवण होते
पाणावतात डोळ्यांच्या कडा ..


कॉटवर वसतीगृहात मी
फणफणत्या तापात ग्लानी
आई.. तुझीच आठवण होते
मित्राच्याही करस्पर्शातुनी ..


रस्त्यामधे तंद्री लागता 
दगडावरती बोट ठेचते ;
आई.. तुझीच आठवण होते
हळद चिमुटभर समोर दिसते ..


वाटे, आता घरीच रहावे
गाणे गुणगुणत डोळे मिटून 
आई.. तुझीच आठवण होते
अंगाई घुमते कानामधून ..

.

कोणत्याही टिप्पण्‍या नाहीत:

टिप्पणी पोस्ट करा