१.
'शब्दा तुझा मी सोनार -'
मोहित करती मुळी न मजला
हिरे माणके आणिक सोने -
शब्दांना कवितेत गुंफुनी
मीच घडवतो खरे दागिने ..
.
२.
'वेड्या जिवाची वेडी ही माया -'
दुरावलेल्या वासरासाठी
गोठयात हंबरणारी गाय असते -
वाट चुकलेल्या लेकरासाठी
घरात क्षमा करणारी माय असते ..
.
३.
'अनपेक्षित -'
वाट तुझ्या पत्राची पाहत असतांना
एसेमेस कधी आला, तेही नाही कळले -
विचार तुला भेटण्याचा मनात यावा,
त्याआधीच तू भेटावीस, असे जणू घडले ..
.
४.
'ज्याची त्याची चौकट -'
श्रीमंताने बसवले सोन्याच्या चौकटीत
गुदमरणाऱ्या श्रीमंत साईला -
गरिबाने बसवले हृदयाच्या चौकटीत
साध्यासुध्या फकीर साईला ..
.
कोणत्याही टिप्पण्या नाहीत:
टिप्पणी पोस्ट करा