कशाला शोधतो आहे उगा मी वाट चुकलेली.. [गझल]

कशाला शोधतो आहे उगा मी वाट चुकलेली
असावी तीहि जाताना कधी कोठे हरवलेली

करावी लागते आहे उद्याची काळजी आता
वरिस सोळा फुलावानी सुखातच पोर हसलेली

कसे नजरेतुनी हुकले कधीकाळी जरा नाते
दिसे का वैरभावाची पुन्हा जाणीव जपलेली

तुझ्या डोळ्यात मी थोडे लपावे ठरवतो जेव्हा
नजर मजला तुझी दिसते कशी आधीच झुकलेली

ठरवतो एक मी जेव्हा कधी काही करायाचे
ललाटीची कशी देवा असे तू रेघ पुसलेली ..
.

कोणत्याही टिप्पण्‍या नाहीत:

टिप्पणी पोस्ट करा