चार चारोळ्या -

जातो करायला मी एक 

करते नशीब उलटे- 

केव्हा पहायला देणार 

फासे नशीब सुलटे..

.

जिवंतपणी तुमच्या डोक्याचा उपयोग

माणूस कधीच करून घेत नसतो -

पाखरांना त्यावर बसायची सोय मात्र

माणूस एकजुटीने भांडून करत असतो . .

.

जरी भाकरी होती 

शिळीच ती पुढ्यात -

भिजत सतत होती 

आसवांच्या कालवणात ..

.

जेव्हा समोर अचानक तू येतेस 

माझ्याकडे पाहून गोड हसतेस -

भांड्याला कल्हई केल्यासारखा 

क्षणात माझा चेहरा उजळवतेस ..

.