" छान रांगोळी मनी मी वेदनांची काढतो -- "[गझल]

छान रांगोळी मनी मी वेदनांची काढतो 
वेळ मिळता पाहिजे ते रंग भरुनी दंगतो..
.
ऐकवीतो तो कहाणी वाहत्या अश्रूतुनी
 पोतडीतच मी मनाच्या दु:ख माझे लपवतो ..
.
ऐकण्या मी सज्ज असतो रडकथा तुमची सदा
गाउनी माझी व्यथा मी आसवे ना ढाळतो..
.
का सुखाची दाखवावी तू मला लालूच रे
सांग उपभोगू कधी सुख दु:ख दिसता गुंततो..
.
सारखे धक्केच देशी दु:ख अन आनंदही
जीवना रे तोल हा मी सांग का सांभाळतो..
.
बाळगू मी तापलेल्या का उन्हाची त्या तमा
 प्रियतमा ही सोबतीला घेउनी मी हिंडतो ..
.
गुण कसा हा पावसाला माणसाचा लागला
का अवेळी दाखवूनी बेइमानी वागतो ..
.

२ टिप्पण्या: