दोन पाखरे अजुनी का ती नयनांची तव घुटमळती --[गझल]

दोन पाखरे अजुनी का ती नयनांची तव घुटमळती छानदारसे घरटे माझ्या बनवाया हृदयी बघती.. . केस हे तुझे विस्कटलेले करती हृदयी का गुंता प्रेमभावना होत अनावर सुटकेलाही घाबरती.. . सैरभैर झाल्या त्या नजरा झाला वेडा वाराही पदर का तुझा करतो चुळबुळ राहीना खांद्यावरती.. . आजकाल तव येणेजाणे बंद जरी येथुन झाले वळण नेहमीचे दिसता का पाय तुझे इकडे वळती.. . सात जन्म हे बंधन अपुले घालत फेरे आनंदी एक जन्मही नाही सोसत रोजच दु:खांची भरती.. .

कोणत्याही टिप्पण्‍या नाहीत:

टिप्पणी पोस्ट करा