कागदाची नाव माझी छान पाणी वाहणारे -- [गझल]

वृत्त-  व्योमगंगा ,  मात्रा - २८ 
लगावली- गालगागा X ४
अलामत- अ ,   गैरमुरद्दफ 
--------------------------------------------------
कागदाची नाव माझी छान पाणी वाहणारे 
बाल्य सारे त्यात माझे पाहतो मी डोलणारे..
.
गाल माझे लाल होती का तुझ्या रे आठवाने  
पाहतो तो आरसाही कौतुकाने भावणारे..
.
तू जिथे तेथेच मीही घोर नाही काळजाला  
ना दुरावा जीवनी या अस्त्र नाही छेदणारे..
.
रात्र होता फक्त स्वप्नी का मला भेटून जाशी   
रात्र संपे खिन्न होई ध्यान माझे रंगणारे..
.
खूष होती दंग सारे दोष माझे ऐकताना 
ढोल माझ्या कौतुकाचा ना कुणी ते ऐकणारे..
.
काल होतो, आज आहे,काय सांगू .. मी उद्याचे ?
आज नाते जोडले मी वास्तवाशी जागणारे ! 
.
मी न जातो सांगण्याला वेदना माझी कधीही   
ऐकवाया तेच येती दु:ख सारे भोगणारे ..
.