गुणगान

ऐकत जा तू गाणे माझे 
आनंदी असतो मी जेव्हा 
आळस चिंता गुंडाळून 
ठेवत असतो मी तेव्हा..

वाटत असते सफर करावी 
क्षणात एका विश्वाची 
चालू असते मनात माझ्या 
तयारी शोधण्या अश्वाची..

असेल रपेट अश्वावर ती 
मजेत निसर्गात फिरायची 
प्राणी पक्षी तलाव झाडे 
दोस्ती सर्वांशी करायची..

तोडातोडी झाडांची अन 
फोडाफोडी ती डोंगरांची 
बंद करावी करत आवाहन 
जपणूक निसर्ग साधनांची..

जर वनराणी हो आनंदी
श्वासोच्छवास सुखाचा छान 
फुलवित मोर पिसारा सुंदर 
करील सृष्टीचे गुणगान..
.

कोणत्याही टिप्पण्‍या नाहीत:

टिप्पणी पोस्ट करा