करतो विचार कोणी--- [गझल]

वृत्त-  आनंदकंद ,   मात्रा- २४ 
लगावली- गागाल गालगागा गागाल गालगागा 
अलामत- आ  ,   गैरमुरद्दफ 
-------------------------------------------------
करतो विचार कोणी व्याकूळल्या जिवाचा  
दगडास बघुन कोणी अभिषेकही दुधाचा ..
.
स्वप्नात रोज भिजतो घेऊन मी सखीला 
का वास्तवात नसतो पत्ताच पावसाचा ..
.
लढतो जवान तिकडे जातीस विसरुनीया 
नेत्यात चुरस इकडे हा कोण तो कुणाचा ..
.
नाभीत कस्तुरी पण जाणीव ना तयाला 
शोधात जीव होई हैराण का मृगाचा ..
.
ही जीत तर सख्याची हर्षात नाचते ती 
मुद्दाम हारते ती मग डावही सख्याचा ..
.

["चपराक"- दिवाळी विशेषांक २०१८]

कोणत्याही टिप्पण्‍या नाहीत:

टिप्पणी पोस्ट करा