चार चारोळ्या

 रोज रोज तोच आरसा 
रोज तोच बघणे चेहरा -
टाकला बदलून आरसा 
अशक्य बदलणे चेहरा..
.

"अरे वा, छान" म्हणणारा 
खुषमस्कऱ्या पदोपदी दिसतो -
वाईटाला वाईट म्हणणारा 
खरा मित्र एखादाच असतो !
.

नभांगणीच्या चांदण्यांना त्याने
पाठवले आहे ढगाआड -
गृहांगणीच्या माझ्या चांदणीला 
पाहतोय मत्सरी चंद्र लबाड ..
.

वारा तिकडे वाहत आहे
सखे, मीही तिकडे येत आहे -
तुझी चाहूल त्याला आधी 
त्याची सवय माहित आहे ..
.

["कलाविष्कार" e दिवाळी अंक- नोव्हेंबर - २०१८ ]