सुप्रभात .. शुभ रजनी ...

                                 सुप्रभात .. शुभ रजनी ...
                                 कशासाठी दोस्त ?

                                                      अफजलगुरू कसाब 
                                                      मजेत मस्त

                                 आपण महागाईने
                                 नेहमीच त्रस्त

                                                      गृहिणी टंचाईत
                                                      नित्य चिंताग्रस्त

                                 सामान्यांची स्वप्ने
                                 धुळीत उध्वस्त

                                                     नेतेमंडळीचे दौरे
                                                     कायम जबरदस्त

                                 जनतेची कमाई  
                                 दलालाकडून फस्त

                                                     सभागृह नेहमी
                                                     गोंधळातच व्यस्त 

                                 गुड मॉर्निंग... गुड नाईट...
                                 कशासाठी दोस्त ?

" तो एक पदर मायेचा ..."

                     तो एक पदर मायेचा
                     आधार किती आईचा

                                    वादळात सामर्थ्याचा
                                    भयमुक्ती उपदेशाचा
                                    नजराणा संस्काराचा

                    संदेश शांत जगण्याचा   
                    रागास शांत करण्याचा
                    मस्तकास थापटण्याचा

                                    तो दर्शक  सन्मार्गाचा
                                    तो रक्षक कल्याणाचा
                                    तो पूजक सौंदर्याचा 

दोन चारोळ्या -

१.
                      अनोळखी वाटेवर क्षणभर
          
                               भेटुन जाई राजकुमार -
            
                                      नाही दिसला पुन्हा जरी तो
              
                                              ओढ तयाची का अनिवार !




२.
                    मिठीत तुझिया विसावतो मी -
                      
                          म्हणू लाडके कसे तुला ?
                          
                                चवळीची तू शेंग बारकी ,
                               
                                      दुधी टम्म मी फुगलेला !



.